आउनुस्, अष्ट्रेलियाको नेपाली साहित्य र पत्रकारिता’bout बहस गरौं

नेपाली जहाँ जहाँ छन्, नेपाल त्यहीँ त्यहीँ छ। नेपालको भूपरिवेष्ठित भूगोल भन्दा टाढा नेपालीका बस्तीहरुमा एउटा सानो नेपाल स्थापित भएको छ। पहिचान भन्नुस् या भावना या भन्नुस संस्कृती, भाषा, कला अनि बानी। ‘नानी देखी लागेको…’ले गर्दा विश्वको हरेक कुनामा सानो नेपाल स्थापित नै भएको छ। ठ्याक्कै नेपाल जस्तै राजनीतिक, सामाजिक अनि आर्थिक सबै खालका गतिविधि उस्तै। समाजसेवी भनेर उभिने देखी फलानो दलको चिलानो नेता भनेर गनिने सम्म। यूरोप, अमेरिका, अष्ट्रेलिया जस्ता बिलकुलै फरक वातावरण र परिवेशमा पनि नेपालको जस्तै क्षमता छोडेर, जात, लिंग, वर्णका कुरा। यति धेरै समानता भएको ठाउँमा साहित्य र पत्रकारिताको नेपाली ‘ट्रेण्ड’ले यताको समुदायलाई नछुने कुरै भएन। नेपाली साहित्यमा देखिएका नयाँ आयाम, शैली अनि अनुहार उत्तिकै चासोका विषय हुन् अष्ट्रेलियामा पनि। अनि पत्रकारिताको त कुरै नगरौं मोबाइलका हरेक दुर्इ ‘नोटिफिकेसन’मा एउटा फेसबुकको हुन्छ अर्को समाचारको। नेपाली पुगेका हरेक देशमा नेपाली पत्रकारिता अभ्यासमा छ। छापा, रेडियो, टेलिभिजन देखी इन्टरनेट सबै खालका माध्यममा अष्ट्रेलियामा पनि नेपाली पत्रकारिताको अभ्यास छ। नेपालमा जस्तै फलानो दल निकट भन्ने ‘ट्याग’ लगाएको पनि सुन्न देख्न पाइन्छ, अनि फेसबुकका स्टाटसमा ‘स्टाटस’नै बिगार्ने गरि वादविवाद पनि चलिरहेको हुन्छ।

यस्तै यावत् कुराहरुका बीच नेपालीपत्र र साताको साहित्यले ‘प्रवासको साहित्य र पत्रकारिता’ विषयमा अर्न्तक्रिया गर्न लागिरहेको छन्, आइतबार जसमा सहभागी हुन नेपालबाट आएका छन्, पहिलोपोष्टका सम्पादक एवं ब्लगर उमेश श्रेष्ठ अनि युवा साहित्यकार बुद्धिसागर। आउनुस् बहस अनि अन्तक्रिर्या गरौं, छलफल गरौं खुला अनि सार्वजनिक