अष्ट्रेलिया अध्ययन, माईग्रेसन तथा रोजगारीका विषयमा थप नयाँ अपडेटका लागी अष्ट्रेलियाको नेपाली समुदाय लक्षित नेपालीपेज हेर्नुहोला !! (यहाँ क्लिक गर्नुस्)

७ महिनामा ९ हजार विद्यार्थिको भिजा क्यान्सिल

Loading...
अष्ट्रेलियाको अध्यागम तथा सीमा सुरक्षा विभाग (डिपार्टमेन्ट अफ इमिग्रेसन एण्ड बोर्डर प्रोटेक्सन) ले गत सात महिनामा करिब नौ हजार अर्न्तराष्ट्रिय विद्यार्थीहरुको भिसा खारेज गरेको छ। अष्ट्रेलियाको दैनिक अखबार ‘द अष्ट्रेलियन’मा प्रकाशित एक आलेखमा मार्च २०१६ सम्मको सात महिनामा विभागले नौ हजारको संख्यामा भिजाहरु क्यान्सिल गरेको उल्लेख छ।

पढ्नुस: अष्ट्रेलियामा आफ्नो स्टुडेन्ट भिजा खारेज हुनबाट जोगिने उपायहरु 

७ महिनामा ९ हजार विद्यार्थिको भिजा क्यान्सिल
वार्षिक करिव २०० नेपाली विद्यार्थीको भिजा क्यान्सिल हुने गरेको छ।

अष्ट्रेलियामा स्टुडेन्ट भिजामा विभिन्न कोर्स अध्ययनका लागि आउने अर्न्तराष्ट्रिय विद्यार्थीहरु मध्ये भिजामा उल्लेख भएका र्सतहरु पालन नगर्ने विद्यार्थीहरुको भिजा विभागले खारेज गर्ने गरेको छ। गत वर्षमात्र विभागले करिब ११ हजार विद्यार्थीको भिजा खारेज गरेको थियो। जसमध्ये २९८ जना विद्यार्थीलाई देश निकाला गरिएको थियो भने बाँकी भिजा खारेज पछि स्वेच्छिक रुपमा नै आफ्नो देश फर्केका थिए।

अष्ट्रेलियामा अध्ययनका लागि भनेर स्टुडेन्ट भिजामा आउने अर्न्तराष्ट्रिय विद्यार्थी मध्ये हरेक वर्ष८ देखी १० हजारको भिजा क्यान्सिल हुने गरेको छ। ‘फेक डकुमेन्ट’ (जाली कागजात) बनाएर आउने, नक्कली विद्यार्थी तथा अष्ट्रेलियामा आइसकेपछि पढाइ भन्दा पनि अरु काममा बढी लाग्ने विद्यार्थीहरुको भिजा धेरै क्यान्सिल हुने गरेको छ। अष्ट्रेलियाको रजिर्स्र्टज माइग्रेसन एजेन्टहरुको एक समुहले सात महिनामा भएको ९ हजार जनाको भिजा क्यान्सिलको तथ्यांकले यो वर्षभिजा क्यान्सिल हुनेको संख्या १५ हजार नाघ्ने अनुमान गरेको छ।

गत वर्षभिजा क्यान्सिल हुने विद्यार्थीहरु मध्ये सबैभन्दा धेरै चाइनिज थिए भने दोस्रो धेरै भिजा क्यान्सिल हुनेको संख्या दक्षिण कोरियाका विद्यार्थीको र तेस्रो ठूलो संख्या भारतीयको थियो। वर्षोनी करिब दुर्इसय नेपाली विद्यार्थीको पनि भिजा क्यान्सिल हुने गरेको छ। अष्ट्रेलियामा पढ्नका लागि आफूसँग राम्रै आर्थिक अवस्था देखाएर अष्ट्रेलिया आउने धेरै विद्यार्थीहरुले यहाँ आएपछि पढाइमा भन्दा पनि काम गरेर पैसा कमाउनमा जोड दिने भएकाले धेरै विद्यार्थीको भिजा क्यान्सिल भएर आफ्नै देश फर्किनु परिरहेको छ। त्यसबाहेक विद्यार्थीहरुको चारित्रिक व्यवहार पनि भिजा क्यान्सिलको कारण बन्ने गरेको छ।

पढ्नुस: यस्ता छन् अर्न्तराष्ट्रिय विद्यार्थीले पालन गर्नुपर्ने भिजाका सर्तहरु 

अष्ट्रेलियाको स्टुडेन्ट भिजामा दिंदा राखेका भिजाका सर्तहरू पालना नगर्दा धेरैको भिजा खारेज हुने गरेको छ।
अष्ट्रेलियाको अध्यागम तथा सीमा सुरक्षा विभागले स्टुडेन्ट भिजा दिंदा राखेका भिजाका सर्तहरू पालना नगर्दा धेरैको भिजा खारेज हुने गरेको छ।

अष्ट्रेलियाको स्टुडेन्ट भिजाका र्सतहरु पाक्षिक रुपमा ४० घण्टा भन्दा धेरै काम गर्न नहुने, कलेज तथा यूनिभर्सिटीमा करिब ८० प्रतिशत हाजिरी हुनुपर्ने, पढाइमा स्वीकार्य प्रगती हुनुपर्ने, अष्ट्रेलिया आइसकेपछि आफ्नो सम्पर्क ठेगाना (बस्ने ठाउँ) परिवर्तन भएको सात दिन भित्र इमिग्रेसनलाई त्यसको जानकारी गराउनुपर्ने, आफू नेपालबाट जुन क्लासको भिजामा आएको हो त्यो भिजा क्लास मेन्टेन गर्नुपर्ने लगायत पालना नगर्ने विद्यार्थीको भिजा जुनसुकै समय पनि इमिग्रेसनले क्यान्सिल गर्न सक्छ। गत वर्ष देखी अष्ट्रेलियामा इमिग्रेसनले भिजाका र्सत पालनामा कडाइ गरेको छ। पछिल्लो समयमा इमिग्रेसन अधिकारीले धेरै जसो विद्यार्थीहरुले काम गर्ने खालका उद्योग, व्यवसायमा छापा मार्ने क्रमलाई पनि बढाएको छ। एक अनुमान अनुसार अष्ट्रेलियामा करिब ८० हजार विदेशी नागरिक अवैधानिक रुपमा (विना भिजा) बसिरहेका छन्। यस्ता विना भिजा बस्नेको संख्या प्रमुख शहरहरुमा पनि उल्लेख्य रहेको बताइन्छ।

भिडियोमा हेर्नुस अष्ट्रेलियामा किन हुन्छ विद्यार्थीको भिजा क्यान्सिल

लेखक : मदनमणि

अष्ट्रेलियाको सिड्नीमा बस्ने मदनमणि फेडरेसन यूनिभर्सिटीबाट सफ्टवेयर ईन्जिनियरिङमा स्नातकोत्तर हुन्। त्रिभुवन विश्वविद्यालयबाट पत्रकारिता तथा आमसंचारमा स्नातकोत्तर उनी कर्टिन युनिभर्सिटी अष्ट्रेलियाको 'प्रोजेक्ट म्यानेजमेन्ट' स्नातकोत्तर कक्षामा समेत थिए। उनीसँग नेपालमा मिडिया अध्यापन, फोटोग्राफी र पत्रकारिता गरेको अनुभव छ। अष्ट्रेलिया आउनु अघि उनी अन्नपूर्ण पोष्ट दैनिकमा आबद्ध थिए।
Loading...