‘महाभूकम्प ७२’ सिड्नीमा सम्झना

भौतिक रूपमा गत वर्षको ‘महाभूकम्प ७२’ले अष्ट्रेलिया अनि सिडनीमा बस्ने नेपालीहरूलाई हल्लाएन। तर यहाँ रहे बसेका नेपालीको हंश भने धरहरा भन्दा धेरै डरलाग्दो पाराले हल्लियो जसको धक्का आजसम्म पनि महशुस गरिरहिएको छ। जुन आफन्त गुमाउनुमा जोडिएको हुनसक्छ या परिवारको भौतिक संचरना र सम्वृद्धी गुमाउनुमा। दुवै हिसाबमा सिडनीमा रहेका नेपालीलाई भूकम्पले हल्लाएको थियो र आज पनि पराकम्पनको समाचारले मुटुमा चसक्क हुन्छ।

कार्यक्रम आयोजनाका लागि नयाको टीमलाई धन्यवाद नै दिनुपर्छ

देशको माया मात्र होईन अवस्थाको पत्तो पनि विदेशमा रहँदा बस्दा धेरै हुन्छ। यतिखेर नेपालबाट अष्ट्रेलिया आएर यतैको संसारमा रमाइरहेका नेपालीले नेपालको वर्तमान मात्र हैन भविष्य पनि भयावह नै देखेका छन् जुन काठमाडौंमा देखिएका भत्किएका संरचना भन्दा बढी नै डरलाग्दो छ। नेपालका राजनीतिक दलको दिशा र दशाले नै स्पष्ट देखाइसकेको छ की उनीहरू यत्रो ठूलो संकट समाधानका लागी न तयार थिए, छन्। यो उनीहरूको बुता भन्दा बाहिरको साबित भइसकेको छ किनकी जनताले सिंहदरबारबाट हुने नियुक्तिमा आफन्तको भागबण्डा र माफियागिरीमा काँध थाप्ने बाहेक गएको वर्षमा राजनीतिक दल र सरकारको संरचनाबाट नगण्य मात्रै काम भएको भोगेका छन्।

'महाभूकम्प ७२' सिड्नीमा सम्झना
सिडनीमा खडा भयो मनको धरहरा

तर पनि काठमाडौं र नेपाल एक पटक रून्चे मुखका साथ महाबिपत्तिको वार्षिकी मनाउन तयार भयो। बत्तीकै सही धरहरा ठड्याउँदै ‘वी वील राइज अगेन’ मा आशाको संचार गरयो नेपाली मनमा। विदेशमा बसेर नेपालको दुख सुखमा साथ दिँदै आएका गैरआवासिय नेपालीहरूले पनि आफ्ना आफ्ना ठाममा सम्झे नेपालले भोगेको महाबिपत्ति। सिडनी सायद विदेशमा बसेका नेपालीहरू मध्ये ठूलो संख्या सम्वृद्ध छ यहाँ, ले सम्झनामा नेपालमा जस्तै धरहरा ठड्यायो बत्तिको प्रकाशको।

नेपालमा भूकम्प र त्यसको कारण मृत्युवरण गर्न पुगेका करिब १० हजारको सम्झनामा कार्यक्रम गर्दै ‘वी वील राइज अगेन’ नारा लगाएको दिन आईतबार २४ अप्रिलमा सिडनीका गन्यमान्यहरू चैं ‘ढल्ने गरी’ पार्टीमा मस्त थिए

सोमबार ‘एनज्याक डे’को सार्वजनिक बिदाको दिन अष्ट्रेलिया इतिहास सम्झँदै थियो भने नेपालीहरू नेपालको महाबिपत्ति! ‘कहिल्यै नहोस्’ भन्दै सिडनीमा बसोबास गर्ने नेपालीहरू सिडनीको प्रमुख केन्द्र नजिकैको ‘एशफिल्ड पार्क’मा भेला भएका थिए। कार्यक्रमको आयोजना गरेको थियो ‘नेपाली अष्ट्रेलियन युथ एशोसिएसन’ (नया)ले। कार्यक्रम आयोजनाका लागि नयाको टीमलाई धन्यवाद नै दिनुपर्छ किनकी नेपालमा भूकम्प र त्यसको कारण मृत्युवरण गर्न पुगेका करिब १० हजारको सम्झनामा कार्यक्रम गर्दै ‘वी वील राइज अगेन’ नारा लगाएको दिन आईतबार २४ अप्रिलमा सिडनीका गन्यमान्यहरू चैं ‘ढल्ने गरी’ पार्टीमा मस्त थिए। ठूलाले विराए यूवाले गरे।

यस्तो रह्यो एशफिल्डको भूकम्प सम्झना, (साँझको समय भएकाले तस्वीरहरू केही कम गुणस्तरको लाग्न सक्छ)

'महाभूकम्प ७२' सिड्नीमा सम्झना
‘नया’ले साँझ ५ बजे कार्यक्रम राखेको थियो।
'महाभूकम्प ७२' सिड्नीमा सम्झना
अभिभावकसँग ‘महाभूकम्प ७२’ को सम्झनामा दिवंगतहरूको आत्माको चीर शान्तीको कामना गर्दै दिप प्रज्ज्वलन गर्दै एक बालक !
'महाभूकम्प ७२' सिड्नीमा सम्झना
‘महाभूकम्प ७२’को सम्झनामा दिप बाल्दै युवा
'महाभूकम्प ७२' सिड्नीमा सम्झना
सिडनीमा मनको नेपाल अनि उही धरहरा

 

'महाभूकम्प ७२' सिड्नीमा सम्झना
सम्झनाको अर्पण !

लेखक : मदनमणि

अष्ट्रेलियाको सिड्नीमा बस्ने मदनमणि फेडरेसन यूनिभर्सिटीबाट सफ्टवेयर ईन्जिनियरिङमा स्नातकोत्तर हुन्। त्रिभुवन विश्वविद्यालयबाट पत्रकारिता तथा आमसंचारमा स्नातकोत्तर उनी कर्टिन युनिभर्सिटी अष्ट्रेलियाको 'प्रोजेक्ट म्यानेजमेन्ट' स्नातकोत्तर कक्षामा समेत थिए। उनीसँग नेपालमा मिडिया अध्यापन, फोटोग्राफी र पत्रकारिता गरेको अनुभव छ। अष्ट्रेलिया आउनु अघि उनी अन्नपूर्ण पोष्ट दैनिकमा आबद्ध थिए।
Loading...